طـــولــ غيابـــكــ...!!

طول غيابك ماعرفنا خفاياك
نوب تروح ونوب ترجع تبينا..

الهاجس اللي هزني يوم فرقاك
ماهز قلبك يوم حنا انتهينا..

عذبتني ياقاسي القلب وياك
حبك شقايه والجفا مبتلينا..

وش فايدة قلب يحبك ويهواك
لاصار قلبك قاسي مايلينا..

ياما سهرت الليل مع طيف ذكراك
احس في طيفك يروح ويجينا..

ارسم خيالك فوق طلت محياك
شمس الصباح اللي علينا تبينا..

اشفق على قربك وشوفك ولقياك
واذكر مكانك يوم حنا التقينا..

حتى مكانك كاتبن فيه ذكراك
ياما ضحكنا فيه وياما بكينا..

واليوم راجع تعترف في خطاياك
ليه الهجر مدام حنا وفينا..

ضاعت حياتي بين صدك ورجواك
وضاعت حياتك يوم راحت علينا..

مثل الغريق اللي على حوض الادراك
حنا غرقنا بالهوى مانجينا..

هذي سواتك من يسوي سواياك
ياخاين العشره ترانا سلينا..

خلاص هانت كلها ايام وانساك
حبن جديد غير حبك لقينا..

مات الخفوق اللي يهوجس بطرياك
(( مرحوم ياحب توفى حزينا ))..


للشاعر / صالح العبداني

الدنيا هيك

ثااااااانكس ع المرور

محمد

ثااااااانكس ع المرور

تحياتي